Vdes legjenda e boksit kosovar, Lah Nimani
Legjenda e boksit kosovar, Lah Nimani - njeriu që ka bërë të mundur që boksierët kosovarë të njihen në të katër anët e botës – ka ndërruar jetë në moshën 69-vjeçare.

Trajneri Nimani është personi që kishte zbuluar dhe trajnuar yjet më të mëdhenj të boksit kosovar si Mehmet Bogujevci, Nazif Gashi, Bajram Hashani, Aziz Salihu, Xhevdet Peci etj., me të cilët kishte pushtuar ringjet e ish-Jugosllavisë dhe ato botërore, duke u stolisur me medalje të panumërta.

Me Klubin e Boksit Prishtina Nimani pesë herë është shpallur kampion i ish- Jugosllavisë, gjashtë herë nënkampion dhe tri herë vendin e tretë.

Ai kishte përgatitur boksierët kosovarë edhe për Olimpiada, në vitet: 1976, ‘80. ’84 dhe ’88.

Nimani i lindur më 15 shtator në vitin 1939 në Kostërc të Skenderajt, herën e fundit ishte në Kosovë, në vitin 2006.

Nimani që nga viti 1998 jetoi dhe veproi në Oklahoma të Shteteve të Bashkuara të Amerikës.