Ronaldo: Do të rikthehem para nëntë muajve
Sulmuesi i Milanos, Ronaldo, ka thënë gjatë një bisede me bashkëvendësin dhe ish-bashkëlojtarin tek Real Madrid, Julio Baptista, se ai do të rikthehet në fushë para nëntë muajve.

Ronaldo dëmtoi gjurin gjatë ndeshjes së javës së kaluar, përballë Livornos dhe u detyra t’i nënshtrohet operacionit, i cili sipas mjekëve do ta mbajë atë jashtë fushe nga 9 deri në 12 muaj.

“Dua të kthehem në fushë sa më shpejtë. Mjekët kanë parashikuar se mund ta bëj atë edhe para nëntë muajve”, raportohet t’i ketë thënë Ronaldo, Baptistas.

Nëse kjo arrihet, atëherë është e mundur që braziliani 31-vjeçar të kthehet në aksion para fundit të vitit 2008. Sidoqoftë, ekspertët besojnë se rikthimi i tij sipas gjasave, do të ndodhë në fillim të sezonit 2009/2010.