Juninho: Presioni është mbi United
Me vetëm edhe disa orë para fillimit të ndeshjes mes Lyon dhe Manchester United, mesfushori i kampionit francez, Juninho, thotë se ekipi i tij nuk e ndjen presionin e ndeshjes së sotme eliminatore të Ligës së Kampionëve, por se ky presion bie mbi ekipin kundërshtar.

“Ndeshja e ëndrrave po thuajse ka arritur dhe kemi nevojë të luajmë në formën më të mirë. Kundër një ekipi si United është e patjetërsueshme të luash në mënyrë perfekte. Lyon është i qetë. Besoj se presioni bie mbi United që medoemos kërkon të kualifikohet në çerekfinale. United është një superekip me lojtarë të mëdhenj, por shanset tona janë reale. Askush nuk duhet të përjashtojë befasinë e Lyonit”, ka thënë braziliani.