Ibrahimoviq fajëson Materazzin për humbjen e Interit
Sulmuesi Zlatan Ibrahimoviq ka fajësuar ashpër bashkëlojtarin e tij Marco Materazzi për humbjen e mbrëmshme të Interit në Liverpool, gjatë ndeshjes së parë eliminuese të Ligës së Kampionëve, ka bërë të ditur Corriere dello Sport.

Shpresat e zikaltërve për kualifikim në rundin e ardhshëm janë zbehur pas pësimit të dy golave në minutat e fundit të ndeshjes, nga Dirk Kuyt dhe Steven Gerrard. Inter luajti me 10 lojtarë që nga minuta e 30-të, pas dy kartonëve të verdhë të Marco Materazzit, megjithëse vendimet e arbitrit ishin ca të ashpra.

Në pyetjen se çfarë ndodhi në këtë ndeshje, suedezi është përgjigjur me nervozizëm, “Pse nuk e pyetje Materazzin se çfarë ndodhi?”.