Henry dhe Deco jashtë ndeshjes përballë Levantes
Trajneri i Barcelonës, Frank Rijkaard, do t’u japë pushim dy lojtarëve Thierry Henry dhe Decos gjatë ndeshjes së radhës përballë Levantes, ndeshje që luhet të dielën.

Barcelona është favorit i kësaj ndeshje përballë ekipit të fundit të tabelës dhe Rijkaard do ta shfrytëzojë këtë përparësi, për t’i pushuar Henryn dhe Decon.

Gianluca Zambrotta dhe Edmilson që të dy pritet të rikthehen për këtë ndeshje, siç pritet të përfshihet edhe Bojan Krkic, pasi që u harrua gjatë ndeshjes së mesjavës. Rafael Marquez do të mungojë për shkak të dëmtimit të pësuar kundër Celticut.

18-ja që do të presë ekipin e Levantes pritet të ketë këtë përbërje: Valdes, Pinto, Xavi, Puyol, Iniesta, Ronaldinho, Eto'o, Milito, Messi, Thuram, Abidal, Toure, Gudjohnsen, Edmilson, Zambrotta, Sylvinho, Bojan dhe Giovani.