Cassano: Ibrahimoviq më i mirë, por pas Messit
Para ndeshjes së vikendit përballë Interit, sulmuesi i Sampdorias Antonio Cassano, ka lavdëruar lojtarin kundërshtar Zlatan Ibrahimoviq, por sipas ish-lojtarit të Real Madridit, ai është i dyti më i mirë, pas argjentinasit Lionel Messi.

“Mendoj se, pas Messi, ai është më i miri në botë”, ka thënë Casano. Ndërsa në pyetjen nëse do të dëshironte të luajë krahas suedezit, ai është përgjigjur. “Shpresoj. Nëse klubi më dëgjon dhe e sjell atë në Sampdoria, ne mund të synojmë edhe skudeton”.

“Ëndrra ime është të qëndroj në Sampdoria dhe të jem simbol i këtij klubi”, ka shtuar italiani.

Sampdoria pret Interin në fushë të vet gjatë të dielës në kuadër të Serie A, ku zikaltrit do të kërkojnë fitoren për tu përforcuar në krye të tabelës. Derisa Inter kryeson me 59 pikë, Sampdoria renditet në pozitën e shtatë me 34 pikë, dy më pak se Udinese.