Brown drejt largimit nga Manchester Untied
Wes Brown ka hedhur poshtë ofertën e fundit të Manchester United duke e nxitur menaxherin e klubit Sir Alex Ferguson, t’i akuzojë lojtarët se "jetojnë nën kontrollin e agjentëve të tyre".

28-vjeçari, i cili do të jetë lojtar i lirë gjatë verës, ka hedhur poshtë ofertën prej 53.000 euro në javë për të mbetur në Old Trafford, ndërsa Ferguson ka thënë se kjo gjendje e “depresionon” atë.

“Ne nuk do ta kishim bërë ofertën nëse nuk do të kishim besim në të. Por lojtarët sot jetojnë në xhepat e agjentëve. Është një situatë e cila më depresionon në këtë kohë, vërtet. Wes ka qenë me ne që nga mosha 12-vjeçare, por nuk mendoj se kjo është e rëndësishme tash”, ka thënë Ferguson.