Adebayor beson se Arsenal ende mund t’ia dalë
Sulmuesi i Arsenalit, Emmanuel Adebayor, mbetet i bindur se topçinjtë, mund të arrijnë në çerekfinale të Ligës së Kampionëve, edhe pas barazimit të mbrëmshëm pa gola ndaj Milanit, që u luajt në Emirates.

Arsenal ishte më sulmues dhe pati shanse më të mira dhe, pavarësisht që nuk shënoi, Adebayor mendon se ende mund të eliminojë Milanin.

“Ne krijuam shumë shanse, mund të kishim shënuar gola, por në fund të fundit duhet të udhëtojmë atje dhe të shënojmë. Ende besoj se mund t’ia dalim dhe duhet të shënojmë në San Siro”, ka thënë sulmuesi i Togos.

“Sot rezultati është 0-0, por ne duhet të vazhdojmë të bëjmë të njëjtën gjë dhe pse të mos fitojmë 1-0 në San Siro? Nuk do të jetë e lehtë, por kemi shpresa”, ka përfunduar Adebayor.